තරු කතා

225න් එක්කෙනෙක්වත් මට නම් ලොකු නෑ

අපේ රටේ ඉන්න වෘත්තීමය වශයෙන් මෙන්ම ජාත්‍යන්තරව පිළිගත් නිරූපණ ශිල්පිනියක් තමයි ත්‍රිකලා ධරණී කියන්නේ. 2017 වසරේදී විශ්ව විවාහක රූ රැජින වූයේද ඇයයි. කොහොම වුනත් පසුගිය කාලයේ ඇය පිලිබඳ වැඩිපුරම කතාබහට ලක්වුණේ ඇය මිලදී ගත් සුපිරි රේන්ජ් රෝවර් රථය නිසා. කොහොම වුනත් ඇය මේ වනවිට ලංකාවේ ඉන්න ධනවත් කාන්තාවක්,

ඉතින් ඇයත් මේ වනවිට ලංකාව වත්මන් තත්වය පිලිබඳ කතා කරන්න පටන් අරගෙන ඇය ඇයගේ සමාජ ජාලා ගිණුම හරහා විශේෂ ප්‍රකාශයක් නිකුත් කරලා තිබුනා. ඒ තමයි,

”පාලකයා රට පාලනය කරනවා. අපි ඒ ඕනාම විදියකට පාලනය වෙනවා. සිංහලෙන් කීවොත් ලොක්කා ගහන ගහන බෙර පදයට අපි නටනවා. මෙච්චර කාලයකට වුනේ ඒ දේ.හැබැයි දැන් සිස්ටම් එක වෙනස් වෙමින් පවතිනවා. අපි රාමුවෙන් එලියට ටික ටික එමින් පවතිනවා. මම කිසිම දවසක දේශපාලනීකරණය වන චරිතයක් නොවෙයි. මට තියෙන්නේ එක පක්ශයයි,ඒ මහජනතාවගේ පක්ශය 225න් එක්කෙනෙක්වත් මට නම් ලොකු නෑ.

මොකද එයාලා ඉගනගෙන, ඩිග්‍රී ගහලා, දුක් මහන්සියෙන් සල්ලි හම්බකරනවා නෙවෙයි නේ. අපි මැරීගෙන හම්බකරන තුට්ටු දෙකට බදු ගහලා ඊට අමතරව හොරා කාලා V8 වල යනවා. එනිසා එක්කෙනෙක්ටවත් මගෙ රෙස්පෙක්ට් එකකුත් නෑ, කඩේ යන්නෙත් නෑ, දේවල් ඉල්ලලා පස්සෙන් ගිහිනුත් නෑ! එනිසා කාටවත් ණයත් නෑ, බයත් නෑ පොඩ්ඩක්වත්. (225 න් කීපදෙනෙක් පෝස්ට් එක දකින බවත් දන්නවා ) දැන් කරන්ට් එක නෑ. කිරි දරුවෝ රෑට හූ තියලා අඩනවා. ඉස්කෝලේ යන්න බෑ ලමයින්ට අඩ නින්දෙන් පාඩම් කරන්න විදියක් නෑ හැබැයි 225 ඉන්න මාලිගා අවට කිසිම විදුලි කප්පාදුවක් නෑ.

එයාලගෙ ළමයින්ට විතරද බඩගින්න රස්නේ දැනෙන්නේ? ඔව්, රටේ බලශක්ති ප්‍රශ්නයක් තියනවා, එහෙනම් නීතිය හැමෝටම එකක් වෙන්න ඕනා. මිනිස්සු පෝලිම් වලටම දවස නාස්ති කරගන්නවා. හැමදේම ගිනි ගනන්. මිනිස්සුන්ට වේල් තූනක් කන්න බෑ.. තෙල් ප්‍රශ්න නිසා බස් අඩුයි ටැක්සිත් ගනන්. ඩොලර් එක උඩ ගිහින්, රුපියල අතපිහින කොලකෑල්ලක් වෙලා! පුදුම ආතතියකින් මිනිස්සු ඉන්නේ. කියන්න ආවේ මෙච්චරයි, අපිට නැතත් අපේ දරුවන්ට හරි ඉන්න පුලුවන් තැනක් හදලා යමු. මමත් මේ වෙලාවෙ ඔයාල එක්ක ඉන්නවා. හමුවෙමු!” කියලයි. ලංකාවේ වගේම ලෝකෙම පිළිගත් නිරූපන ශිල්පිනියක වන ඇයත් සාමාන්‍ය ජනතාව සමග පාරට බහින්න සුදානම්.

Related Articles

0 0 votes
Article Rating
Subscribe
Notify of
guest
0 Comments
Inline Feedbacks
View all comments
Back to top button
0
Would love your thoughts, please comment.x
()
x