හොලිබොලි ගොසිප්

ප්‍රියංකා චොප්‍රා ලාබාල සැමියාගෙන් වෙන්වන ලකුණුද?

හිටපු ලෝක රූ රැජිණක හා බොලිවුඩයේ ප්‍රකට නිළියක වන ප්‍රියංකා චොප්රා විවාහ වී සිටින්නේ ඇයට වඩා වසර 10කින් ලාබාල නික් ජොන්ස් නමැති අමෙරිකානු ජාතික ප්‍රකට ගායකයෙකු සමඟිනි. ප්‍රියංකා සහ නික් අතර කාලයක් තිස්සේ නොගැළපීම් පැවති බවට කතා තිබුණි. පසුගිය දිනවල කටකතාවක් පැතිර ගියේ ඇය ඔහුගෙන් වෙන්වන්නට සූදානම් බවයි.

මීට හේතුවූයේ සමාජ මාධ්‍ය තුළ ඇය නික් ජොන්ස්ගේ වාසගම ඉන්ස්ටග්‍රෑම් ගිණුමෙන් ඉවත් කිරීමයි. ඒ හේතුවෙන් රසිකයන් ක්ෂණිකව අනුමාන කිරීමට පටන් ගත්තේ දික්කසාදය ස්ථිර බවයි. මේ අතර ප්‍රියංකා චොප්රාගේ මව මධු චොප්රා තම දියණිය සිය සැමියා වන නික්ගෙන් වෙන්වීම සම්බන්ධයෙන් පැතිරෙන කතා සියල්ල ව්‍යාජ ඒවා බවට දක්වමින් ප්‍රකාශයක් සිදු කර තිබේ.

අසත්‍ය ප්‍රකාශ පතුරුවා හැරීමෙන් වළකින ලෙසත් ඇය අන්තර්ජාල පරීශීලකයින්ගෙන් ඉල්ලා තිබුණි. 2018 දෙසැම්බර් 01 වැනිදා ඉන්දියාවේ රාජස්තාන් හිදී විවාහ වූ යුවළ වසර 3කට ආසන්න වෙද්දී වෙන්ව යාම ගැන මෙම කුතුහලය මතුවිය.

කෙසේ වෙතත් මෙම යුවළ පසුගිය දා දිවාලි උත්සවය ද අලුතින් හැදූ නිවසේදී සැමරූ අතර ප්‍රියංකා ඇගේ සමාජ මාධ්‍යවල එම ඡායාරූප බෙදා ගත්තාය.

නමුත් මේ වන තෙක් වෙන්වීමේ තීරණය ගැන ඇය ප්‍රසිද්ධියේ ප්‍රකාශයක් කර නැත.

 

Related Articles

5 1 vote
Article Rating
Subscribe
Notify of
guest
0 Comments
Inline Feedbacks
View all comments
Back to top button
0
Would love your thoughts, please comment.x
()
x